Лясы лесапаркавых частак зялёных зон вакол гарадоў і населеных пунктаў — 3654 га.

Лясы першай і другой зон санітарнай аховы курортаў — 429 га.

Лясы заказнікаў рэспубліканскага значэння — 33431 га.

Ахоўныя поласы лясоў уздоўж чыгуначных ліній шырынёй да 500 м. у кожны бок ад асі крайняга чыгуначнага шляху — 3130 га.

Ахоўныя поласы лясоў уздоўж рэспубліканскіх аўтамабільных дарог шырынёй да 250 м. у два бакі ад восі дарогі — 2429 га.Забаронные поласы лясоў па берагах рэк, азёр, вадасховішч і другіх водных аб'ектаў — 9636 га.

Разам па першай групе лясоў — 52709 га.

Эксплуатуемыя лясы — 92547 га.

Лясістасць Лунінецкага раёна — 43,6 %

Плошча нашай вобласці складае 32,3 тысячы км². Працягласць тэрыторыі з захаду на ўсход — 300 км, з поўначы на поўдзень — 166 км.

Раён быў утвораны 15 студзеня 1940 года. Дарэчы, у студзені 2000 года раён адсвяткаваў свой 60-гадовы юбілей. Плошча раёна складае 2,7 тысячы км².

Працягласць тэрыторыі складае з захаду на ўсход — 82 км, з поўдня на поўнач — 66 км. На захадзе раён мяжуе з Пінскім, на поўдні — са Столінскім, на поўначы — з Ганцавіцкім раёнамі Брэсцкай вобласці; на ўсходзе — з Салігорскім раёнам Мінскай вобласці; на паўднёвым усходзе — з Жыткавіцкім раёнам Гомельскай вобласці. Тэрыторыя раёна адміністрацыйна падзелена на 11 сельскіх Саветаў і 1 гарадскі — Мікашэвічы.

На 1 студзеня 2007 года ў раёне налічваецца 81 населены пункт. У сельскай мясцовасці пражывае 37951 жыхар; у горадзе Мікашэвічы — 13841; у горадзе Лунінец — 23931. У цэлым у раёне і гарадах пражывае 75723 жыхары. Тэрыторыя раёна знаходзіцца ў зоне Беларускага Палесся. Самае высокае месца над узроўнем Балтыйскага мора — 152 метры, самае нізкае — 123 метраў ля р. Случ.

Горад Лунінец знаходзіцца на 52°11' паўночнай шыраты і 26°40' усходняй даўгаты. На тэрыторыі нашага раёна ёсць наступныя карысныя выкапні: граніт, торф, пясок, гліна, сапрапель. Сярэдняя тэмпература ў студзені — –3°С, у ліпені — +18°С. За год у сярэднім выпадае 640 мм ападкаў. Вегетацыйны перыяд — 205 сутак.